Bajram Sadriaj, mesfushori i talentuar i Borusias së Dortmundit në Bundesligën 1 gjermane, pritet të veshë fanellën kuqezi. Mesfushori kosovar - mban rekordin për kartonin e kuq të marrë vetëm pas disa sekondave aktivizim- është shprehur për prestigjiozen "Sport Bild" se ka marrë një kërkesë nga trajneri i Kombëtares shqiptare, holandezi Arie Haan. 22-vjeçari vlerësohet për karakterin e tij energjik në lojë. Nëse Sadriaj do të bëhej pjesë e Kombëtares shqiptare do të bëhej kosovari i gjashtë me fanellën kuqezi pas Arjan Beqaj (i zbuluar nga trajneri Bajko), Lorik Canës (Brigel), Armend Dallkut (Brigel), Debatik Currit (Brigel) e Besart Berishës (Bariç). Me Shqipërinë më parë kanë luajtur edhe Mehmet Dragusha (Brigel) e Blerim Rrustemi (Bariç).